Gəncədə maarifləndirici kampaniya keçirilib. Bu haqda 11 oktyabr tarixində Ümumdünya Səhiyyə Təşkilatına istinadən məlumat veririk.
Aksiya Ümumdünya Psixi Sağlamlıq Günü ilə əlaqədar təşkil olunub. Kampaniya Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyi ilə əməkdaşlıq çərçivəsində 2 saylı Gəncə regional "ASAN xidmət" mərkəzində baş tutub.
Tədbir zamanı mərkəzə müraciət edən vətəndaşlar Ümumdünya Səhiyyə Təşkilatının psixoloq və sosial işçiləri tərəfindən psixi sağlamlıq haqqında məlumatlandırılıb, onlarla ilkin psixososial konsultasiyalar təşkil edilib.
Kampaniyanın əsas məqsədi psixi sağlamlıq və psixososial dəstək mövzusunda əhalinin maarifləndirilməsini artırmaq və bu sahədə mövcud olan stiqmaları azaltmağa təşviq etməkdir.
