Gəncədə könüllülər üçün ekskursiya təşkil olunub. Bu haqda 30 aprel tarixində Bitki Mühafizə və Texniki Bitkilər ETİ-yə istinadən məlumat veririk.
1 saylı Gəncə ASAN Könüllüləri Bitki Mühafizə və Texniki Bitkilər Elmi-Tədqiqat İnstitutuna baş çəkiblər. Burada müəssisənin direktoru İbrahim Cəfərov öncə institutun yaranma tarixi, fəaliyyət istiqamətləri, nailiyyətləri barədə qonaqlara məlumat verib. Gənclərin aqrar sahəyə, xüsusilə bitki mühafizəsinə olan marağını nəzərə alaraq, onlara bitki xəstəlikləri haqqında izahat verib.
Direktor bildirib ki, Bitki Mühafizə və Texniki Bitkilər ETİ hər zaman gənclərin üzünə açıqdır, onların laboratoriya avadanlıqları ilə əyani tanışlığı təmin edilib.
Sonra könüllülər laboratoriyalarda aparılan tədqiqatlarla, cihazların iş prinsipləri ilə tanış olublar.
