Bakıdan gələn yaradıcı heyət Gəncədə çıxış edib. Bu haqda 27 oktyabr tarixində Akademik Milli Dram teatrına istinadən xəbər veririk.
Azərbaycan Dövlət Akademik Milli Dram Teatrı şəhərimizin qonağı olub. Yaradıcı heyət “Qarabağnamə” tamaşası ilə Gəncə Dövlət Dram Teatrında çıxış edib. Səhnə əsərinin quruluşçu rejissoru Xalq artisti Mərahim Fərzəlibəyov, quruluşçu rəssamı İsmayıl Məmmədov, geyim rəssamı Aygün Mahmudova, işıq üzrə rəssamı Rafael Həsənov, musiqi tərtibatçısı isə Həmid Kazımzadədir. Tamaşa Xalq yazıçısı İlyas Əfəndiyevin “Hökmdar və qızı” pyesi əsasında hazırlanıb.
Burada rolları Xalq artistləri Kazım Abdullayev, Firəngiz Mütəllimova, Rafiq Əzimov, Hacı İsmayılov, Əli Nurzadə, Əməkdar artistlər Elşən Rüstəmov, Məsmə Ağaverdiyeva, Kazım Həsənquliyev, Elxan Quliyev, Elşən Cəbrayılov, Elnar Qarayev, aktyorlar İlyas Əhmədov, Ramin Şıxəliyev, Nigar Güləhmədova, Ləman İmanova, Cavidan Novruz, Firuzə Balayeva, Nəzrin Abdullayeva, Məhsəti Tahirzadə, Corc Qafarov və Tural İbrahimov ifa ediblər.
Qastrol ümummilli liderin 100 və peşəkar milli teatrının yaranmasının 150 illiyinə həsr olunub.
