Gəncədə vaksinasiya prosesi təkmilləşdirilib. Bu haqda 5 dekabr tarixində Şəhər Birləşmiş Xəstəxanasına istinadən xəbər veririk.
9 ailə sağlamlıq mərkəzində vaksinlərin düzgün qaydada saxlanılması üçün yeni avadanlıqlar alınaraq “soyuq zəncir” sistemi tam qurulub. Bu avadanlıqlarla işləmək üçün mütəxəssislər xüsusi təlimlərə cəlb olunublar. Peyvəndlərin saxlanıldığı yerlərdə havalandırma sistemi, temperatura nəzarət üçün termometr mövcuddur. Vaksinlərin vurulması xüsusi ixtisaslı tibb bacıları tərəfindən icra olunur.
Qeyd edək ki, son günlər qızılca xəstəliyinin yayılması səbəbindən ailə sağlamlıq mərkəzlərinə üz tutanların sayı artıb. Peyvəndlər uşaqlarda xəstəliklərə qarşı orqanizmdə immunitet yaradır.
