Gəncədə tələbələr üçün tədbir keçiriləcək. Bu haqda 20 oktyabr tarixində ADAU-ya istinadən məlumat veririk.
Kənd Təsərrüfatı və Əlaqəli Elmlər üzrə Beynəlxalq Tələbələr Assosiasiyasının (IAAS) yerli bölməsi "IAAS Azerbaijan”nın təşkilatçılığı ilə məlumatlandırma sessiyası baş tutacaq. Tədbir bu gün, 20 oktyabr saat 14:00-da Azərbaycan Dövlət Aqrar Universitetində təşkil olunacaq.
Qeyd edək ki, IAAS 1957-ci ildə Tunisdə təsis edilən və hazırda mərkəzi qərargahı Belçikanın Leuven şəhərində yerləşən dünyanın aparıcı aqrar sahə üzrə ixtisaslaşmış tələbə təşkilatıdır. IAAS kənd təsərrüfatı və ətraf mühit elmləri, meşəçilik, qida elmi, landşaft memarlığı və əlaqəli sahələrdə təhsil alan, ixtisaslaşan və ya tədqiqat aparan tələbələri bir araya toplayır.
