Gəncədə təhsil alan tələbələr müxtəlif təsərrüfatlarda olublar. Bu haqda 23 oktyabr tarixində ADAU-ya istinadən məlumat veririk.
Azərbaycan Dövlət Aqrar Universitetinin Aqronomluq fakültəsinin bir qrup III kurs tələbəsi “Azərşəkər” MMC-nin Şəmkir və Yevlax təsərrüfatlarına baş çəkib. Bitkiçilik kafedrasının əməkdaşları - Qurban Məmmədov, Gülnarə Abbasova və Arzu Babazadənin rəhbərliyi ilə tələbələr təsərrüfatlarda tətbiq olunan müasir texnologiyalarla tanış olub, pivot suvarma sistemi haqqında məlumat alıblar.
Bundan başqa, tələbələr şəkər çuğunduru yığımı və qarğıdalı biçinində də iştirak ediblər.
