Gəncədə universitetin təsərrüfatında becərilən bitki məhsuldarlığı ilə seçilib. Bu haqda 12 oktyabr tarixində ADAU-ya istinadən məlumat veririk.
Azərbaycan Dövlət Aqrar Universitetinin Tədris-təcrübə təsərrüfatında "Taxıl və paxlalı bitkilər" sahəvi laboratoriyasının əməkdaşları tərəfindən alınan "ADAU-80" qarğıdalı sortunun kövşənlik əkinlərdə səpini aparılıb. Proses iyul ayının sonunda baş tutub.
Bildirilir ki, həmin ərazidə məhsuldarlıq yüksək səviyyədə olub. 10 hektar sahənin, demək olar ki, hamısında qıçalar əmələ gəlib, dən formalaşmağa başlayıb.
Alimlər təsərrüfata baxış keçiriblər və tədqiqatı yüksək qiymətləndiriblər.
