Gəncə universitetinin nümayəndələri Türkiyədə tədbirdə iştirak ediblər. Bu haqda 27 oktyabr tarixində ADAU-ya istinadən xəbər veririk.
Ege Universitetində “I Beynəlxalq Ədli Kənd Təsərrüfatı Konqresi və Sərgisi” adlı tədbir keçirilib. Sərgi təhsil ocağı tərəfindən Türkiyə Cümhuriyyətinin 100-cü ildönümünə həsr olunan tədbirlər çərçivəsində Azərbaycan Dövlət Aqrar Universiteti və İzmir Katip Çelebi Universiteti ilə birlikdə baş tutub.
Konqresdə ADAU-nun rektoru Zəfər Qurbanov, Ege Universitetinin rektoru Necdet Budak, Katip Çelebi Universitetinin rektoru Saffet Köse, Azərbaycan Kənd Təsərrüfatı Nazirliyinin Elm, təhsil və insan resursları şöbəsinin müdiri İlham Süleymanov, elm və təhsil nazirinin müşaviri Nicat Məmmədli, ikili diplom proqramının təşkilat komitəsinin digər üzvləri, Ege Universitetinin rəhbərliyi, müəllim və tələbələr iştirak ediblər.
Sərqidə “Kimyəvi Bioloji Radioloji Nüvə Təhdidləri”, “Bioterrorizm”, “Aqroterrorizm”, “Narkotik İstehsal Olunan Bitkilər”, “Kənd Təsərrüfatı Fəlakətləri – Cinayət Axtarışı”, “Rəqəmsal Kənd Təsərrüfatı və Ədliyyə Mütəxəssisliyi” və “Kənd Təsərrüfatı Cinayətlərinin Araşdırılması” kimi bir çox araşdırma mövzularında sahənin mütəxəssisləri tərəfindən təqdimatlar olunub.
