Gəncədə AIDx (Agriculture İnnovation Development) layihəsinin açılış mərasimi keçirilib. Bu haqda 3 may tarixində ADAU-ya istinadən xəbər veririk.
Açılış mərasimi Azərbaycan Dövlət Aqrar Universitetində baş tutub. "Yaşıl Təhsil Hərəkatı" layihəsi çərçivəsində keçirilən görüşdə ölkəmizin beynəlxalq ictimaiyyətin etibarlı və məsuliyyətli üzvü kimi iqlim dəyişmələrinin fəsadlarına qarşı uğurlu mübarizəsindən danışılıb.
Tədbirdə Ege Universitetinin əməkdaşı Serdar Gökhan Şenol "Yok oluştan, Yön verişe" adlı mövzuda çıxış edərək, tələbələri maraqlandıran sualları cavablandırıb. Aqrar Gənclər Təşkilatının sədri Əli Məmmədov keçirilən AIDx layihəsi haqqında tədbir iştirakçılarına ətraflı məlumat verib.
