Gəncədə universitetlərin birində tədbir keçirilib. Bu haqda 31 may tarixində ADAU-ya istinadən xəbər veririk.
Azərbaycan Dövlət Aqrar Universitetində 16-cı “Karyera Sərgisi-2024” baş tutub. Burada çıxış edən ADAU-nun rektoru Zəfər Qurbanov hər il ənənəvi olaraq keçirilən karyera sərgilərinin əhəmiyyətindən danışıb və deyib ki, sərgidə 100-dən çox təşkilat və şirkət tərəfindən 1000-dən çox vakant yer təqdim olunub.
Tədbirdə iştirakçı şirkət və müəssisələrin təmsilçiləri vakant iş yerləri barədə məzun və qonaqlara ətraflı məlumat veriblər. Daha sonra universitetlə Meyvə-tərəvəz İstehsalçıları və İxracatçıları Birliyi Assosiasiyası arasında birgə əməkdaşlıq haqqında memorandum imzalanıb. Sonda kənd təsərrüfatı naziri Məcnun Məmmədov tələbələrlə görüş keçirib, onları dinləyib, suallarını cavablandırıb.
