Gəncədə Vətən müharibəsi zamanı raket atəşinə tutulmuş ərazi ziyarət olunub. Bu haqda 5 oktyabr tarixində hüquqşünas Əli İbrahimova istinadən məlumat veririk.
Penitensiar xidmətin 2 saylı İstintaq Təcridxanasının rəisi ədliyyə polkovnik-leytenantı Qasım Əliyevin təşəbbüsü və rəhbərliyi ilə bir qrup əməkdaş erməni terroruna məruz qalmış əraziyə baş çəkib. Polkovnik-leytenant şəhid olan mülki vətəndaşların adlarının əks olunduğu lövhənin önünə tər çiçəklər düzüb və ruhlarına dərin ehtiramlarını ifadə edib. Burada şəhidlərin xatirəsi yad olunub.
Xatırladaq ki, Ermənistan silahlı qüvvələri tərəfindən Gəncə şəhəri beş dəfə raket atəşinə tutulub.
