Gəncədə 15 İyun – Milli Qurtuluş Günü ilə əlaqədar “Milli Qurtuluş Günü – millətin özünə inamının bərqərar olduğu gün” mövzusunda tədbir baş tutub. Bu haqda 15 iyun tarixində Mərkəzləşdirilmiş Kitabxana Sisteminə istinadən xəbər veririk.
16 nömrəli kitabxananın təşkil etdiyi tədbirdə Gənclərin İnkişaf və Karyera Mərkəzinin Gəncə nümayəndəliyinin könüllüləri iştirak ediblər. Burada çıxış edənlər qeyd ediblər ki, Azərbaycan xalqının taleyində böyük əhəmiyyət daşıyan elə günlər var ki, ölkənin gələcək həyatını müəyyən edən mühüm başlanğıcların əsası qoyulub. Belə günlərdən ən önəmlisi tariximizə qızıl hərflərlə yazılmış 15 İyun – Milli Qurtuluş Günüdür. Xalqımızın müstəqillik tarixində müstəsna yeri olan 15 İyun - Milli Qurtuluş Günü ilə ölkəmizin həyatında yeni dövr başlanmış, dövlətçiliyimizin dönməz və əbədi olması üçün mühüm və səmərəli fəaliyyətin əsası qoyulmuşdur.
