Yevlaxda traktorun aşması nəticəsində bir nəfərin dünyasını dəyişməsi ilə bağlı cinayət işi başlanılıb.
Unikal.аz xəbər verir ki, hadisə ötən gün saat 16 radələrində Yevlax rayon Aran qəsəbəsi ərazisində baş verib.
Belə ki, avtomobil yolu olmayan dağətəyi sahədə Mingəçevir şəhər sakini, 1993-cü il təvəllüdlü Mustafayev Firdovsi İlqar oğlu idarə etdiyi “T-40” markalı traktor ilə dağətəyi sahədə yamacda nasaz vəziyyətdə qalan “QAZ-2410” markalı avtomobili kəndirlə dartmaq istəyib. Bu zaman traktorun aşması nəticəsində Firdovsi Mustafayev hadisə yerində ölüb.
Faktla bağlı Yevlax RPŞ-də Cinayət Məcəlləsinin 263.2-ci maddəsi ilə cinayət işi başlanılıb. İstintaq davam etdirilir.
25 may. 21:40
Yevlaxda baş vermiş bədbəxt hadisə bir nəfərin vəfat etməsi, bir nəfərin isə xəsarət alması ilə nəticələnib.
Gencexeber.az-ın məlumatına görə, hadisə palçıq ərazidə qeydə alınıb. Traktor batıb qalan "QAZ-24" markalı minik avtomobilini çıxarmağa çalışarkən aşıb. Nəticədə iki nəfər ağır xəsarət alıb. Onlardan biri hadisə yerində vəfat edib, digəri isə xəstəxanaya yerləşdirilib.
Hazırda ölən və yaralananın kimliyi dəqiqləşdirilir.
Faktla bağlı Yevlax Rayon Polis Şöbəsində araşdırma aparılır.
