Gəncə şəhər 24 və 37 nömrəli tam orta məktəblərdə əsaslı təmir işləri aparılır.
Gencexeber.az-ın məlumatına əsasən, bu ilin sentyabrına kimi təmir işlərinin yekunlaşdırılması və yeni tədris ilində məktəblərin istifadəyə verilməsi nəzərdə tutulub.
Gəncə-Daşkəsən Regional Təhsil İdarəsindən bildirilib ki, 37 nömrəli tam orta məktəbin təmir işləri Heydər Əlyev Fondu tərəfindən həyata keçirilir.
Qeyd olunub ki, 40 saylı Körpələr Evi - Uşaq Bağçasının da Heydər Əliyev Fondu tərəfindən əsaslı təmir - tikinti işlərinin aparılması nəzərdə tutulur.
Məlumat üçün bildirək ki, Gəncə şəhərində 3 məktəbdənkənar, 42 məktəbəqədər, 45 ümumi, 1 xüsusi təhsil müəsisəsi fəaliyyət göstərir.
Onlardan 29 ümumtəhsil məktəbi, İnteqrasiya təlimli internat tipli gimnaziya, Uşaq Gənclər İnkişaf Mərkəzi, Gəncə İdman liseyi və 23 məktəbəqədər təhsil müəsisəsinin maddi texnik bazası yenilənərək, müasir tələblərə uyğun olaraq təmir olunub.
