Yeni Gəncə qəsəbəsində yerləşən binaların qarşısında asfalt örtüyünün olmaması sakinləri boğaza yığıb.
Gencexeber.az-a şikayət ünvanlayan gəncəlilərin sözlərinə görə, bir neçə binanın qarşısı uzun illərdir baxımsız vəziyyətdə qalıb:
"Sözügedən hissədə asfalt örtüyünün olmaması yağışlı havalarda küçəni iflic hala gətirib çıxarır. Palçıq və dərin çalalar səbəbindən hərəkət ciddi şəkildə çətinləşir. Aidiyyəti qurumlara dəfələrlə müraciət olunmasına baxmayaraq, ərazidə hər hansı əsaslı təmir və ya abadlıq işi aparılmayıb".
Sakinlər aidiyyəti qurumlardan sözügedən əraziyə baxılmasını, yolun əsaslı şəkildə təmir olunmasını tələb edirlər.
