Mayın 14-ü saat 9:00-a olan faktiki hava açıqlanıb.
Gencexeber.az-a bu barədə Milli Hidrometeorologiya Xidmətindən məlumat verilib.
Bildirilib ki, ölkə ərazisində yağıntılı və küləkli hava şəraiti davam edir.
Bəzi yerlərdə yağıntılar leysan xarakterli intensiv və güclü olub.
Qeyd edilib ki, düşən yağıntının miqdarı Ağstafada 27 (aylıq normanın 51 %-i), Daşkəsəndə 23 (aylıq normanın 23 %-i), Tovuzda 22 (aylıq normanın 41 %-i), Gəncədə 14, Gədəbəy, Göygöl və Şəmkirdə 11, Mingəçevir, Goranboyda 1-8 mm təşkil edir.
Bir sıra ərazilərdə qərb küləyi əsir, küləyin maksimal sürəti Naftalanda 24, Goranboyda 23, Gəncə və Daşkəsəndə 20 m/s-dək güclənir.
Havanın minimal temperaturu Aran rayonlarında 16, dağlıq rayonlarda isə 9 dərəcəyədək isti qeydə alınıb.
Ölkə ərazisində müşahidə olunan qeyri-sabit hava şəraiti mayın 17-dək davam edəcək.
