Gəncə şəhəri Şah İsmayıl Xətai prospekti 520–528 ünvanında ("Xanımın dükanı" adlanan dördyol) yol örtüyünün bir hissəsi bərpa edilir.
Gencexeber.az-ın məlumatına görə, III MDB Oyunları ərəfəsində şəhərdə həyata keçirilən yenidənqurma işləri çərçivəsində prospekt boyunca asfalt örtüyü yenilənmişdi. Lakin bir müddət sonra yağan güclü yağışlar nəticəsində yolun bəzi hissələri zədələnmiş, dərin çuxurlar yaranmışdı. Bu isə sürücülərin hərəkətini çətinləşdirir və sakinlərin haqlı narazılığına səbəb olurdu.
Hazırda aidiyyəti qurumun işçi qüvvəsi və xüsusi texnikası əraziyə cəlb olunub. Köhnə asfalt qatı qaşınıb və yeni asfalt örtüyünün salınması işləri aparılır. Təmir işlərinin qısa müddətdə başa çatdırılması nəzərdə tutulur.
