Qış fəsli olmasına baxmayaraq Gəncə şəhər Mənzil Kommunal Təsərrüfatı İstehsalat Birliyinin (MKTİB) Yaşıllaşdırma şöbəsi tərəfindən Xan bağı ərazisinə soyuğa davamlı primula gülləri əkilib.
Gencexeber.az MKTİB-ə istinadən məlumat verir ki, şöbənin gülçülük sahəsində yerli mütəxəssislər tərəfindən yetişdirilən güllərin parkdakı güldanlara əkini aparılıb, mövcud yaşıllığa aqrotexniki qulluq göstərilib.
Xan Bağında mövcud olan bitki növlərinin qorunub saxlanılması və təbii yolla artımının təmin edilməsi məqsədilə ərazidə MKTİB tərəfindən mütamadi olaraq yaşıllıq və təmizlik aksiyaları keçirilir.
