Xalq artisti Samir Cəfərov Gəncədə “Sən elə bir zirvəsən" adlı solo konsert proqramı ilə çıxış edəcək.
Gencexeber.az bildirir ki, Ümummilli Lider Heydər Əliyevin anadan olmasının 102-ci ildönümü münasibətilə 9 may, saat 19:00-da Fikrət Əmirov adına Gəncə Dövlət Filarmoniyasında Xalq artisti Samir Cəfərov "Sən elə bir zirvəsən" adlı solo konsert proqramı ilə çıxış edəcək.
Konsertdə Ulu Öndər Heydər Əliyevin sevdiyi musiqi əsərləri səsləndiriləcək.
Xalq artisti tamaşaçılar qarşısında “Alagöz”, “Qaragilə”, “Qərənfil”, “Küçələrə su səpmişəm”, “Haradasan”, “Gözəlim sənsən”, “Sənə də qalmaz”, “Sevgili canan”, “Azərbaycan” və digər mahnılarla çıxış edəcək.
