Gəncədə yeni təlim mərkəzi fəaliyyətə başlayıb. Bu haqda 11 oktyabr tarixində İcra Hakimiyyətinə istinadən xəbər veririk.
“Industrial Support and Training Services IST Services” əlavə təhsil mərkəzi yaradılıb. Müəssisə bir qrup peşəkar mühəndislər, təhlükəsizlik üzrə mütəxəssislər və insan resursları menecerləri tərəfindən yaradılıb. Burada əsas məqsəd Gəncə və ətraf bölgələrdə fəaliyyət göstərən mədən, tikinti, xidmət və digər sənaye müəssisələri əməkdaşları üçün yüksək səviyyəli təlimlərin təşkil edilməsidir. İST Services ümumi SƏTƏM (Sağlamlıq, Əməyin Təhlükəsizliyi, Ətraf Mühitin Mühafizəsi), yükqaldırma, transport və logistika, xilasetmə, dənizdə sağqalma, mühəndislik, qida təhlükəsizliyi və digər sahələri əhatə edən 150-dən artıq müxtəlif peşə təlim-tədrisini həyata keçirir.
İcra başçısının müavini Adil Tağıyev və aparatın İctimai-siyasi və humanitar şöbəsinin müdirinin müavini, dini qurumlarla işin təşkilatçısı Abuzər Zeynalov mərkəzdə yaradılan şəraitlə tanış olublar.
