Gəncədə müharibə iştirakçısına mənzil təqdim olunub. Bu haqda 7 oktyabr tarixində Azərtac-a istinadən məlumat veririk.
44 günlük Vətən müharibəsində igidlik göstərən gizir Tofiq Aslanova mənzil bağışlanıb. MİDA-nın Gəncə şəhərindəki yaşayış kompleksində yerləşən ikiotaqlı ev qazimizə Əmək və Əhalinin Sosial Müdafiəsi Nazirliyi tərəfindən verilib.
Tofiq Ruslan oğlu Aslanov 15 oktyabr 1998-ci ildə Tovuz rayonunun Aşağı Quşçu kəndində anadan olub. Gəncə şəhəri 20 saylı tam orta məktəbi bitirdikdən sonra həqiqi hərbi xidmətə yollanıb. Vətən müharibəsi başlayanda hər kəs kimi o da döyüşlərə qatılıb. Qazimiz bildirir ki, düşməni uşaqlıqdan həsrətini çəkdiyimiz dədə-baba torpaqlarımızdan qovmaq ona da qismət olduğu üçün çox xoşbəxtdir.
Qeyd edək ki, o, “Qubadlının azad olunmasına görə”, “Füzulinin azad olunmasına görə”, “Şuşanın azad olunmasına görə”, “Cəsur döyüşçü“, “Vətən müharibəsi iştirakçısı” medalları ilə təltif edilib.
