“2022-ci ildən Türkiyə Maarif Vəqfinin təhsil müəssisələri Azərbaycanda da fəaliyyət göstərir. Hazırda ölkədə iki məktəb mövcuddur”.
Gencexeber.az bildirir ki, bunu jurnalistlərə müsahibəsində Türkiyə Maarif Vəqfinin İdarə Heyətinin üzvü Mehmet Özkan deyib.
O bildirib ki, 1000 yerlik sözügedən məktəblərdə hazırda 500 şagird təhsil alır:
“Gəncə şəhərində də bu məktəbdən açılması planlaşdırılır və artıq bu istiqamətdə ilkin addımlar atılır. Türkiyə Maarif Vəqfi hazırda 55 ölkədə fəaliyyət göstərir, ümumilikdə 485 məktəbdə 70 mindən çox şagird təhsil alır. Genişlənmə prosesi digər ölkələrdə də davam edir. Lakin Maarif Vəqfi üçün Azərbaycan öncül mövqedədir. Burada fəaliyyət göstərən məktəblərin genişləndirilməsi və digər şəhərlərdə də yayılması istiqamətində ciddi səylər göstərilir”.
