Balakəndə dörd nəfərin ölümü ilə nəticələnən zəncirvari yol qəzası baş verib.
1997-ci il təvəllüdlü Məryəm Hoorsovanın idarə etdiyi "Hyundai" markalı avtomobil "TIR" yük avtomobilini ötmək istəyərkən qarşı hərəkət zolağına çıxıb və bu vaxt "Toyota" markalı avtomobillə toqquşub. Daha sonra KIA markalı avtomobil də toqquşan maşınlara çırpılıb.
Hadisə nəticəsində "Hyundai" markalı avtomobilin sürücüsü Məryəm Kamil qızı Hoorsova, "Toyota" markalı avtomobildə olan sərnişinlər - 1974-cü il təvəllüdlü Pərvanə Məmmədova, 1999-cu il təvəllüdlü Rəşad Mütəllibov hadisə yerində, "Toyota"nın sürücüsü 1975-ci il təvəllüdlü Yaşar Mütəllibov isə xəstəxanada dünyasını dəyişib.1965-ci il təvəllüdlü Şərif Siracəddin oğlu Soltanov xəsarət alıb.
Məlumata görə, "Toyota" markalı avtomobildə olan Y.Mütəllibov və P.Məmmədova ər-arvad olublar. Rəşad Mütəllibov isə onların övladıdır. Ailə Balakən rayonundan Goranboy rayonuna, qohumlarına dəvətnamə aparırmış. Qəzada həlak olan Rəşad Mütəllibovun avqustun 28-də toyu olacaqmış.
Mənbə: oxu.аz
