Goranboy rayonunda 21 yaşlı oğlan yetkinlik yaşına çatmayan qıza qarşı intim hərəkətlər etməkdə ittiham olunub.
Daşkəsən rayon sakini, 2005-ci il təvəllüdlü Elxan ötən il Goranboy rayonunda dostunun yaşadığı evin həyətyanı sahəsində Xumar (adlar şərtidir – red.) adlı qıza qarşı seksual xarakterli hərəkətlər edib.
Elxanın barəsində Cinayət Məcəlləsinin 152.1-ci maddəsi ilə ittiham elan edilib.
İş üzrə izahat verən Elxan ona elan olunmuş ittiham üzrə özünü təqsirli bilib. O, ifadəsində göstərib ki, təxminən bir il əvvəl "TikTok" sosial şəbəkəsində canlı yayım açarkən Xumarla tanış olub.
Təqsirləndirilən şəxs deyib ki, təxminən intim münasibətdə olduqları vaxtdan üç həftə əvvəl Xumar ona evdən qaçmaq istədiyini yazıb:
"Səbəbini soruşanda valideynlərinin ona təzyiq etdiyini bildirdi. Mən də ona qaçmamağı, ayın sonunda elçi göndərərək ailəsindən onu istəyəcəyimi dedim. Amma bir neçə gün sonra Xumar evdən qaçdı və mənə zəng edərək bacısı ilə Gəncədə olduğunu dedi. Mən də onları Goranboya dostumgilə apardım. Orada Xumarla intim münasibətdə olduq. Olanları ailəmə dedikdən sonra qızların valideynlərinə bizdə olduqlarını bildirdilər. Xumarı zorla qaçırmamışam. Etdiyim əməldən peşmanam".
Goranboy Rayon Məhkəməsinin hökmü ilə Elxan 1 il müddətə azadlıqdan məhrum edilib.
Mənbə: demokrat.аz
