Sosial şəbəkələrdə iti avtomobilin arxasına bağlayaraq sürüyən şəxsin kimliyi müəyyən olunub. Bu haqda məlumatı Gencexeber.az bu gün, 22 mart tarixində Oxu.az-a istinadən verir.
DİN-in mətbuat xidmətinin Gəncə regional qrupunun baş inspektoru, polis kapitanı Eşqin Qasımov bildirib ki, şəxsin kimliyi müəyyən edilib və həmin şəxs məsuliyyətə cəlb olunub:
“Sosial şəbəkələrdə iti avtomobilin arxasına bağlayaraq sürüyən şəxsin Kəlbəcər rayon sakini Radil Orucov olduğu müəyyən edilib. Kəlbəcər Rayon Polis Şöbəsi əməkdaşlarının keçirdikləri müvafiq tədbirlər nəticəsində sürücünün yeri müəyyən edilərək polis şöbəsinə dəvət olunub. R.Orucovla profilaktiki söhbət aparılıb və o, inzibati məsuliyyətə cəlb edilib”.
