Gəncə şəhərində 33 yaşlı kişi həyat yoldaşına xəsarət yetirib.
Cavadxan qəsəbəsində 1993-cü il təvəllüdlü Elsevər həyat yoldaşı Afaqla (adlar şərtidir) mübahisə edib.
Belə ki, Elsəvər həmin gün gecə saat 22 radələrində sərxoş vəziyyətdə qeyri-rəsmi nikahda yaşadığı Afaqla birlikdə yaşadıqları evə gəlib.
Aralarında yaranmış mübahisə zamanı Afaqa təpiklə zərbələr vurub.
İş üzrə ifadə verən Elsevər ifadəsində göstərib ki, həmin gün sərxoş vəziyyətdə evə gəlib:
"Hər bir ailədə olduğu kimi spirtli içki qəbul etməyim səbəbindən qeyri-rəsmi nikahda yaşadığım arvadımla aramızda mübahisə yarandı. Mübahisə zamanı Afaqı vurdum. Lakin sərxoş olduğumdan Afaqın bədəninin hansı nahiyəsinə vurduğumu xatırlamıram".
Təqsirləndirilən şəxs ifadəsində törətdiyi əməldən peşman olduğunu, zərərçəkmişlə barışdığını, zərərçəkmişin ona qarşı şikayətinin və tələbinin olmadığını bildirib.
Gəncə Şəhər Məhkəməsinin hökmü ilə Cinayət Məcəlləsinin 73.2-ci maddəsi tətbiq edilib və təqsirləndirilən şəxs cinayət məsuliyyətindən azad olunub.
Mənbə: demokrat.аz
