Azərbaycan Dövlət Aqrar Universitetində (ADAU) Aqrar Gənclər Təşkilatının təşəbbüsü ilə “Konstitusiya və Suverenlik İli”nə həsr olunan intellektual yarış təşkil olunub.
Gencexeber.az bildirir ki, yarışda universitetin müxtəlif fakültələrini təmsil edən “Phoenıx”, “Armageddon”, “Thunder”, “Meinkraft”, “Ecoforce” və “Hazard” adlı 6 komanda və hər komandada 4 nəfər olmaqla, ümumilikdə 24 tələbə bilik və zəka bacarıqlarını sınayıblar.
Gərgin yarışın yekununda “Phoenıx” komandası I yerə, “Hazard” komandası II yerə, “Meinkraft” komandası isə III yerə layiq görülüb. Qalib komandalar təşkilatçılar tərəfindən diplom, medal və sertifikatlarla təltif olunublar.
