Gəncədə dilənçiliklə məşğul olan şəxslərlə bağlı növbəti tədbir keçirilib. Bu haqda 13 oktyabr tarixində DİN-ə istinadən məlumat veririk.
Şəhər ərazisində tüfeyli həyat tərzi keçirənlər və dilənçilər saxlanılıblar. Baş Polis İdarəsinin və onun tabeli qurumlarının əməkdaşları şəhər ərazisində sözügedən şəxslərlə bağlı profilaktiki tədbirlər aparırlar.
Keçirilən sonuncu tədbir zamanı şəhər ərazisində dilənçiliklə məşğul olan 25 nəfər saxlanılaraq, ərazi üzrə Polis Şöbələrinə gətirilib. Onlarla profilaktiki söhbətlər aparılıb və protokol tərtib edilib.
Daha sonra saxlanılan şəxslər qeydiyyatda olduqları şəhər və rayonlara göndəriliblər.
