Samux rayonunda Kür çayında köməksiz vəziyyətdə qalan şəxslərin kimliyi müəyyənləşib.
Gencexeber.az-ın məlumatına görə, həmin şəxslər 1990-cı il təvəllüdlü E.Mustafayev, onun həyat yoldaşı 1996-cı il təvəllüdlü B.Quliyeva və onların övladları — 2019-cu il təvəllüdlü B.Mustafayeva və 2025-ci il təvəllüdlü A.Mustafayevdir.
Bildirilib ki, ailə Gədəbəy rayon sakinləridir və bir ailənin üzvləridir. Məlumata əsasən, onlar qulançar, şomu və odun yığmaq məqsədilə Kür çayının ərazisinə gediblər. Bu zaman suyun səviyyəsinin qəfil artması nəticəsində çayın ortasında köməksiz vəziyyətdə qalıblar.
Qeyd edək ki, sözügedən ailə Kür ətrafında maldarlıq fəaliyyəti ilə məşğuldur.
Hazırda hadisə yerinə aidiyyəti qurumların əməkdaşları cəlb olunub və onların xilas edilməsi istiqamətində təxirəsalınmaz tədbirlər davam etdirilir.
Faktla bağlı araşdırma aparılır.
13:43
Samux rayonunda odun toplamaq istəyən şəxslər köməksiz vəziyyətdə qalıb.
Gencexeber.az-ın məlumatına görə, hadisə Kür çayının rayon ərazisindən keçən hissəsində baş verib. Belə ki, bir ailənin 4 üzvü çayın məcrasında olan adacıqda odun yığan zaman suyun səviyyəsi qəfil artıb.
Nəticədə həmin şəxslər çayın ortasında köməksiz vəziyyətdə qalıblar və quruya çıxa bilməyiblər.
Hadisə yerinə dərhal Fövqəladə Hallar Nazirliyinin və digər aidiyyəti qurumların əməkdaşları cəlb olunub. Hazırda onların xilas edilməsi istiqamətində təxirəsalınmaz tədbirlər həyata keçirilir.
Faktla bağlı araşdırma aparılır.
