Bərdədə kişi ögey qızına təcavüz edib.
Gencexeber.az-ın əldə etdiyi məlumata görə, hadisənin istintaqı Gəncə Ağır Cinayətlər Məhkəməsində keçirilib.
Belə ki, təqsirləndirilən Cəmaləddin 2021-ci ildən 2024-cü ilə qədər Gülnarə adlı qadınla qeyri-rəsmi ər-arvad münasibətində olub. Bu müddət ərzində cinsi ehtirasını təmin etmək məqsədilə Gülnarənin qızı, 14 yaşlı zərərçəkmiş Aygünə (ad şərtidir) zor tətbiq edərək dəfələrlə onunla qeyri-təbii yolla cinsi əlaqədə olub. Aygünü bu barədə kiməsə məlumat verəcəyi təqdirdə onu və anasını öldürəcəyi ilə hədələyib.
Cəmaləddin Azərbaycan Respublikası CM-nin 150.3.3-cü (seksual hərəkətlər etmək) maddəsi ilə təqsirləndirilib.
“Mən yox, Aygün mənə yaxınlaşdı…”
Məhkəmədə ifadə verən təqsirləndirilən Cəmaləddin özünü təqsirli bilməyib:
“İlk ailəmdən ayrılandan sonra Gülnarə ilə sosial şəbəkədə tanış olduq. Onunla 2021-ci ildən qeyri-rəsmi ər-arvad münasibətində yaşadıq. Qızı Aygün məktəbli idi. Hadisədən bir neçə ay əvvəl Aygün yemək yediyim zaman yanıma yaxınlaşıb, əlini bədənimə toxundurmağa başladı. Ona yanımdan durub getməsini dedim. Amma məndən əl çəkmədi, onunla cinsi əlaqədə olduq. Bundan sonra ona toxunmamışam. Heç bir əlaqəmiz olmayıb”.
O, məhkəmədən fərqli olaraq ibtidai istintaq dövründə verdiyi ifadəsində qeyd edib ki, Aygün onu özünü öldürməklə hədələyib:
“Hər zaman o mənə yaxınlaşaraq cinsi münasibətdə olmağımızı istəyib. Həmin illərdə ümumilikdə 15-20 dəfə cinsi münasibətdə olmuşuq. Aygün onunla cinsi əlaqədə olmağım üçün özünü öldürməklə hədələyirdi. Əməlimdən peşmanam.
Bir də qohumum Mustafa Aygünlə evlənmək istəyirdi. Mən narazı idim. Narazı olmağıma da səbəb Mustafanın bir dəfə evlənib boşanması idi”.
“Bir gün onun qohumundan xoşum gəldi…”
Daha sonra 14 yaşlı zərərçəkmiş Aygün məhkəmədə ifadə verib:
“Bu hadisə olan vaxtı 9-cu sinifdə oxuyurdum. Atam vəfat etmişdi, anam Gülnarə Cəmaləddinlə sosial şəbəkədə tanış oldular. Qeyri-rəsmi ər-arvad münasibətində yaşayırdılar.
O, bizimlə yaşamağa başladıqdan 1 həftə sonra evdə tək olduğum zaman məni arxadan qucaqladı. Cəmaləddini itələyib uzaq olmasını desəm də, qollarımı tutub zorla qeyri-təbii cinsi əlaqədə oldu. Bundan sonra şiddətli ağrılarım başladı. Amma öldürməklə hədələdiyi üçün anama deyə bilmədim.
Həmin gündən mütəmadi olaraq Cəmaləddin fiziki zor göstərərək mənimlə yataq və qonaq otağında qeyri-təbii yolla cinsi əlaqədə oldu.
Bir gün Cəmaləddinin bacısı oğlu Mustafanı görüb ondan xoşum gəldi. Gizlin Mustafanın telefon nömrəsini götürüb, zəng edib danışdım. O da məndən xoşu gəldiyini açıqladı. Aramızda sevgi münasibəti yarandı. Bu məsələdən anamın və Cəmaləddinin xəbəri var idi. Mustafaya hər şeyi açıq danışanda mənə inanmadı. Onu inandırmaq üçün Cəmaləddinin mənə təklif etdiyi anda səs yazısını yazdım. Mustafanın köməkliyi ilə polis şöbəsinə getdim”.
Məhkəmənin qərarı ilə Cəmaləddin 17 il müddətində azadlıqdan məhrum edilib.
Fidan İlqar
