Bakı Ağır Cinayətlər Məhkəməsində anasını qətlə yetirməkdə təqsirləndirilən şəxsin cinayət işi üzrə məhkəmə prosesində dövlət ittihamçısı çıxış edib.
Lent.az xəbər verir ki, daha sonra hakim Telman Hüseynovun sədrliyi ilə məhkəmə heyəti müşavirəyə gedib.
Qısa müşavirədən sonra məhkəmə tərkibi təqsirləndirilən şəxsin 7 il 6 ay müddətinə azadlıqdan məhrum edilməsi barədə hökm oxuyub.
Xatırladaq ki, həyat yoldaşından ayrılan 1989-cu il təvəllüdlü şəxs yeniyetmə oğlu ilə 2025-ci ilin avqustunda Türkiyədən Bakıya gəliblər.
Onlar birgünlük ''Bakı Beynəlxalq Avtovağzal Kompleksi''nin daxilində yerləşən hoteldə gecələməli olublar. Yeniyetmə anasının Türkiyədə geyindiyi qısa ətək və şortlarını Bakıda geyinməsinə icazə verməyib. Bu zaman onlar arasında mübahisə yaranıb. Yeniyetmə bıçaqla bir neçə dəfə zərbə endirərək anasını qətlə yetirib.
Qeyd edək ki, yeniyetmə anasını öldürdükdən sonra Qazaxa gedərək polisə təslim olub.
