Gəncə şəhər Mənzil Kommunal Təsərrüfatı İstehsalat Birliyinin (MKTİB) Təmir-Tikinti və Qəza xidməti şöbəsi tərəfindən şəhərin müxtəlif ərazilərində yerləşən iri tutumlu zibil konteynerləri üçün beton altlıqlar salınır.
Gencexeber.az quruma istinadən bildirir ki, beton altlıqların salınmasında məqsəd inventarların qorunması, daşınmasının asanlaşdırılması, həmçinin zibil konteynerlərinin təmiz və səliqəli saxlanılmasıdır.
Gəncə şəhər MKTİB sakinlərə müraciət edərək bildirib ki, zibil qutularını və konteynerləri təlimata uyğun istifadə etsinlər.
Belə ki, bu tutumların ətrafına məişət və digər tullantılar atmasınlar, konteynerlərin daxilindəki tullantılıları yandıraraq tutumlara ziyan vurmaqla yanaşı, ərazinin ekologiyasını korlamasınlar.
Gəncəmizin təmiz və səliqəli saxlanılması üçün məsuliyyətsiz davranış sərgiləyən vətəndaşlrımızla mübarizədə sakinlərimizdən birgə ictimai qınaq nümayiş etdirmələri MKTİB tərəfindən xahiş olunur.
