Xəbər verdiyimiz kimi, Goranboyda 24 yaşlı Nəzrin Xudaverdiyeva tir tüfəngindən açılan atəş nəticəsində yaralanıb.
Gencexeber.az-ın məlumatına əsasən, N.Xudaverdiyevaya tir tüfəngi ilə ehtiyatsızlıqdan atəş açılıb. Xəsarət yetirən şəxsin onun həyat yoldaşı olması müəyyən edilib.
Həyat yoldaşı evin həyətində sərçə ovlayan zaman güllə ehtiyatsızlıqdan N.Xudaverdiyevaya dəyib.
Faktla bağlı araşdırmalar davam etdirilir.
Tibbi Ərazi Bölmələrini İdarəetmə Birliyindən (TƏBİB) bildirilib ki, yaralı Gəncə Şəhər Birləşmiş Xəstəxanasının nəzdində olan Abbas Səhhət adına xəstəxananın Cərrahiyyə şöbəsinə hospitalizasiya olunub.
“Qarnın ön divarının daxilə keçmiş deşilmiş yarası diaqnozu təyin edilən pasiyentə zəruri tibbi yardımlar göstərilib. Hazırda müalicə və müayinəsi müvafiq şöbədə davam etdirilir, vəziyyəti stabil olaraq qiymətləndirilir”,- açıqlamada qeyd olunub.
