Şəmkirdə 5 nəfərin ölümü ilə nəticələnən ağır yol qəzasının bəzi detalları məlum olub.
Gencexeber.az məlumat verir ki, qəzada ölənlər "VAZ- 2106" markalı avtomobilin sürücüsü 1981-ci il təvəllüdlü Əlizamin Aslanovun bacısı oğlunun bu gün keçirilməsi planlaşdırılan kiçik toy mərasimindən öncə təşkil olunan "ciyər axşamı"na gedirlərmiş.
Qəzada Əlizamin Aslanovla yanaşı, İlahə Məmmədova (1988-ci il), Elvin Məmmədov (2009-cu il), Hicran Həmzəyeva (1992-ci il) və Zəhra Vəliyeva (2018-ci il) vəfat edib.
Qeyd edək ki, dünyasını dəyişən sürücü Əlizamin Aslanovun 5 yaşlı oğlu Qoşqar Aslanovun vəziyyətinin ağır olduğu bildirilir.
Xatırladaq ki, qəza 1973-cü il təvəllüdlü Elnur Hüseynovun idarə etdiyi "KIA Sorento" markalı minik avtomobili ilə Əlizamin Aslanovun idarə etdiyi "VAZ-2106" markalı avtomobilin toqquşması nəticəsində baş verib.
Vəfat edənlərdən üçünün fotosunu təqdim edirik:
