Müğənni Şəbnəm Tovuzlu həmkarı Xuraman Şuşalının onun mahnı və kliplərini keyfiyyətsiz adlandırmasına münasibət bildirib.
Gencexeber.az xəbər verir ki, sənətçi bu barədə "Qonaqcanlı" verilişində danışıb. O, çəkdiyi xərclərin yüksək olduğunu qeyd edərək, bu cür ittihamların əsassız olduğunu bildirib:
"Ola bilər əvvəl olub. Xuraman da əvvəl oxuduğu mahnılarda… Elə "Dişab"a baxın görün nə pis aranjimanı olub. O vaxt elə idi. Çünki indi aranjiman daha səviyyəli edilir, yeni texnika gətirirlər. Xuraman xanımı çox istəyirəm, incimədim, zəng də etmədim və cavab da vermədim. Mənim ən zəif aranjimanım 2 min manatdır. 2, 3 min manat fotosessiyama pul ödəyirəm. Amma klipimə 8, 9, 15 min manat ayırıram. İş görüb, effektini alıram. Klipimi görmək istəyirsə, “Youtube”u açıb baxsın".
