Gəncə şəhərinin ən qədim məzarlıqlarından olan Səbiskar qəbiristanlığında geniş abadlıq və infrastruktur işləri həyata keçirilir.
Gencexeber.az məlumat verir ki, hazırda ərazidə kanalizasiya və drenaj sistemi qurulur. Nəticədə illərdir qəbiristanlıqda yaranan gölməçələrin qarşısı alınacaq. Altı əsrə yaxın tarixi olan məzarlıqda bu cür irimiqyaslı işlərin görülməsi bir ilkdir və qəbiristanlıq rəhbərliyi, eləcə də xeyirxah şəxslərin dəstəyi ilə yerinə yetirilir.
Ərazidə artıq tamet daşları döşənib. Yaxın günlərdə ziyarətçilər üçün oturacaqlar yerləşdiriləcək, işıqlandırma sistemi yaradılacaq.
7 hektarlıq sahəni əhatə edən Səbiskar qəbiristanlığı həm ölkənin müxtəlif bölgələrindən, həm də xaricdən ziyarətçiləri cəlb edir. Burada Azərbaycanın bir çox görkəmli ziyalıları dəfn olunub.
