Samux rayonunda bir neçə kəndi rayon mərkəzi ilə birləşdirən avtomobil yolu bərbad vəziyyətdədir.
Bununla bağlı Gencexeber.az-a sürücülər tərəfindən şikayət daxil olub.
“Kür çayının kənarında yerləşən kəndlərə aparan əsas yolun bəzi hissələrində asfalt örtüyü tamamilə sıradan çıxıb, iri çuxurlar yaranıb. Yolun mövcud vəziyyəti nəqliyyatın hərəkətini xeyli çətinləşdirir. Çuxurlar səbəbindən avtomobillər ziyan görür, təkərlər sıradan çıxır. Sürücülər və sakinlər olaraq aidiyyəti qurumlardan xahiş edirik ki, bu problemi həll etsinlər, istifadə etdiyimiz yol təmir olunsun”, - şikayətçilər bildirib.
