Xəbər verdiyimiz kimi, bir qrup heyvansevər Samux rayonunda çobanın qoyunu qamçı ilə döyməsini əks etdirən görüntüləri sosial şəbəkələrdə yayıb.
Gencexeber.az-ın əldə etdiyi məlumata əsasən, hadisə ilkin olaraq bildirildiyi kimi Çobanabdallı kəndində deyil, onun tam yaxınlığında yerləşən Qarabağlar kəndi ərazisində baş verib.
Polis əməkdaşlarının apardıqları təxirəsalınmaz tədbirlər nəticəsində heyvana qarşı rəhmsiz davranan şəxsin Samux rayon sakini V.Bayramquliyev olduğu müəyyən edilib. O, saxlanılaraq polis şöbəsinə gətirilib və barəsində qanunamüvafiq tədbir görülüb.
Qeyd edək ki, V.Bayramquliyevin bu vəhşiliyi hansı səbəbdən törətdiyi hələlik məlum deyil.
10:33
Samux rayonunun Çobanabdallı kəndində çobanın qoyunu qamçı ilə döyməsi ilə bağlı görüntülər sosial şəbəkələrdə yayılıb.
Gencexeber.az xəbər verir ki, hadisəni həmin kəndin sakini Eşqin adlı şəxs mobil telefonuna çəkib. Görüntülər heyvansevərlər tərəfindən əldə edilərək sosial şəbəkələrdə paylaşılıb. Onlar çoban və videonu çəkən şəxsin məsuliyyətə cəlb edilməsini tələb edirlər.
Sözügedən vəhşiliyin hansı səbəbdən baş verdiyi hələlik məlum deyil.
