Samuxda elektrik cərəyanı ilə qanunsuz balıq ovlandığı iddia edilir.
Gencexeber.az-a müraciət edən vətəndaşların iddiasına görə, Yenikənd su anbarının Samux rayonuna düşən hissəsində naməlum şəxslər kiçik mühərrikli qayıqlardan istifadə etməklə elektrik cərəyanı vasitəsilə qanunsuz balıq ovlayırlar.
Vətəndaşların təqdim etdiyi görüntülərdə su anbarında balıq ovladıqları iddia edilən həmin şəxslərin əks olunduğu qeyd edilir.
Bildirək ki, cari ayın əvvəlində Su Nəqliyyatında Polis İdarəsinin Şəmkir Xətt Polis Məntəqəsinin əməkdaşları Kənd Təsərrüfatı Nazirliyinin Balıqçılıq və Akvakultura Mərkəzinin mütəxəssisləri ilə birgə tədbir keçiriblər.
Tədbir zamanı Kür çayında elektrik cərəyanından istifadə etməklə qanunsuz balıq ovlamaqda şübhəli bilinən K. Gülməmmədov saxlanılıb.
