Gəncə Şəhidlər Xiyabanı çirkləndirilib.
Gencexeber.az-ın məlumatına görə, Gəncədə Azərbaycanın müstəqilliyi və ərazi bütövlüyü uğrunda şəhid olanların dəfn olunduğu məzarlıq məişət tullantıları ilə zibillənib.
Yerli sakinlərin sözlərinə görə, məzarlığa üz tutan şəxslər məsuliyyətsiz davranışları ilə buranı bu hala salıblar. Hörmət və anım yeri tərk edilmiş əraziyə çevrilir, burada təkcə estetik görünüş pozulmur, həm də xəstəliklərin yayılmasına şərait yaradılır.
Mövcud vəziyyət bu ehtiram və xatirə ocağının, həmçinin tarixi irsin ləyaqətli vəziyyətdə qorunub saxlanması üçün həm aidiyyəti qurumların təcili müdaxiləsini, həm də vətəndaşların davranışının dəyişdirilməsini tələb edir.
