Goranboyda itin parçaladığı qadının son vəziyyəti məlum olub.
Gencexeber.az-a Tibbi Ərazi Bölmələrini İdarəetmə Birliyindən (TƏBİB) bildirilib ki, 13.03.2025-ci il tarixdə saat 09:00 radələrində 1962-ci il təvəllüdlü (qadın cinsli) şəxs it dişləmə səbəbilə Gəncə Şəhər Birləşmiş Xəstəxanasının nəzdində olan Akademik Z.Məmmədov adına xəstəxananın Təcili tibbi yardım şöbəsinə hospitalizasiya olunub.
“Başın və sol qolun dişlək yarası diaqnozu təyin edilən şəxsə quduzluq əleyhinə zərdab vurulub və ilkin yardım göstərilib. Daha ixtisaslı tibbi xidmət almaq üçün Abbas Səhhət adına xəstəxanaya təxliyə edilib. Hazırda müvafiq şöbədə müalicəsi davam etdirilir, vəziyyəti orta ağırdır”, - deyə bildirilib.
10:23
Goranboyda it sahibinə ağır xəsarət yetirib.
Gencexeber.az-ın məlumatına əsasən, hadisə rayonun Baxçakürd kəndində qeydə alınıb.
64 yaşlı A.Kərimovanı həyətində saxladığı it parçalayıb. Qadın ağır vəziyyətdə xəstəxanaya çatdırılıb.
Vəziyyətinin həddindən artıq ağır olması səbəbindən onun Bakıda yerləşən tibb müəssisələrindən birinə köçürülməsi ehtimal edilir.
