Gəncənin mərkəzində səhərlər işıqlar söndürülür.
Gencexeber.az məlumat verir ki, Gəncə şəhərinin Şah İsmayıl Xətai prospekti 50 ünvanında, “Azərittifaq” adlanan ərazidə son iki gündür ki, işıqla bağlı problem yaşanır. Sakinlərin verdiyi məlumata görə, hər səhər tezdən elektrik enerjisinin təchizatı dayanır.
İşıqların hansı səbəbdən kəsildiyi ilə bağlı onlara heç bir rəsmi məlumat verilməyib. Ərazidə yaşayanlar bildirirlər ki, bu vəziyyət həm məişət texnikasına zərər vurur, həm də gündəlik iş rejimini pozur.
Sakinlər aidiyyəti qurumlardan problemin dərhal aradan qaldırılmasını tələb edirlər.
