Gəncədə xeyriyyə aksiyası keçirilir.
Gencexeber.az-a “Fərəh” Sosial İctimai Birliyindən məlumat verilib ki, təşkilat tərəfindən xeyriyyə məqsədilə kitab bağışlama aksiyası təşkil edilib. Həmin kitablar fiziki, eləcə də əqli məhdudiyyəti olan uşaq və gənclərə hədiyyə ediləcək.
Aksiya 13 fevral tarixində yekunlaşacaq.
Qoşulmaq istəyən şəxslər (055/050) 428 82 57 mobil telefon nömrəsi ilə əlaqə saxlaya bilərlər. “Fərəh” Sosial İctimai Birliyinin ofisi Xəlilbəy Xasməmmədov küçəsi, 15a ünvanında yerləşir.
Qeyd edək ki, təşkilat fiziki qüsurlu şəxslərin cəmiyyətə inteqrasiyasını həyata keçirir. Burada, həmçinin imkansız ailələrdən olan uşaqlara təmənnasız psixoloji dəstək göstərilir, ingilis dili və şahmat tədris olunur. İctimai Birlik ianələr hesabına fəaliyyət göstərir.
