Gəncədə növbəti iməcilik aksiyası keçirilib.
Gencexeber.az-a Gəncə şəhər Mənzil Kommunal Təsərrüfatı İstehsalat Birliyindən (MKTİB) verilən məlumata görə, qurum tərəfindən şəhərin Sadıllı qəsəbəsində təmizlik işləri həyata keçirilib. MKTİB-nin canlı qüvvə və xüsusi texnikaları vasitəsilə adıçəkilən qəsəbənin Mehdi Hüseynzadə, Ömər Faiq, Xəqani və digər küçələrində, hərbi hospitalın ətrafında müxtəlif tullantılar yığılaraq ərazidən daşınması təmin edilib.
Qəsəbənin küçə və döngələri təmizlənib, alaq otları biçilib, ərazidən keçən su arxında daşma təhlükəsini önləmək və antisanitar vəziyyətin qarşısını almaq məqsədilə suyun axınına maneə yaradan tullantılar da təmizlənib.
