Gəncədə respublika turniri keçirilib. Bu haqda 17 oktyabr tarixində Regional Gənclər və İdman İdarəsinə istinadən məlumat veririk.
Yarış Gəncə-Daşkəsən Regional Gənclər və İdman İdarəsinin və Azərbaycan Güləş Federasiyasının birgə təşkilatçılığı ilə baş tutub. Turnir Gəncədə güləşin əsasını qoymuş, ilk azərbaycanlı Dünya çempionu yetişdirmiş, SSRİ İdman ustası və Əməkdar məşqçisi İsax Cəfərovun anadan olmasının 95-ci ildönümünə həsr olunub.
Açılış mərasimində Regional Gənclər və İdman İdarəsinin rəisi İntiqam Hüseynov, 1 və 2 nömrəli Uşaq-Gənclər İdman-Şahmat Məktəblərinin direktorları Ramil Qasımov və Asif Həsənov, “Şöhrət” ordenli Elçin Zeynalov, “Fəxri Bədən Tərbiyəsi və İdman İşçisi”, Mehman Allahverdiyev və digər idman ictimaiyyətinin nümayəndələri iştirak ediblər.
Turnirdə 70 idmançı mübarizə aparıb. Sonda qaliblər təltif olunublər.
