Gəncədə “İmmunlaşdırma həftəsi” təşkil edilib. Bu haqda 24 aprel tarixində Kəpəz televiziyasına istinadən xəbər veririk.
Şəhərdə 52 peyvənddən kənarda qalan uşaqlara 11 xəstəliyə qarşı vaksin vurulur. Bununla bağlı 9 Ailə Sağlamlıq Mərkəzində xüsusi peyvənd otaqları yaradılıb. Gigiyena və Epidemiologiya Mərkəzinin şöbə müdiri Ruhiyyə Qəhrəmanovanın sözlərinə görə, peyvəndləmə bütün ailə sağlamlıq mərkəzlərində lazımi qaydada həyata keçirilir.
“Beş nəfər müəyyən səbəblərə görə gecikmiş uşağımız var. Onlar peyvəndə cəlb ediliblər. Bu gün artıq üç nəfər gəlib, peyvənd olunub”, deyə tibb bacısı Rəşidə Məmmədova qeyd edib.
