Ötən ay Gəncədə qaçqın və məcburi köçkünlər üçün salınmış qəsəbədə bəzi çoxmənzilli binaların zirzəmilərində və həyətlərində ev quşlarının saxlanılması ilə bağlı şikayət dərc etmişdik.
Təəssüf ki, sözügedən məsələ tam həllini tapmadığı üçün qəsəbə sakinləri tərəfindən yendən Gencexeber.az-a şikayət ünvanlanıb.
Sakinlər bildiriblər ki, problem işıqlandırıldıqdan sonra bəzi binaların zirzəmilərindəki toyuq-cücə yığışdırılıb. Amma toyuq fermasını xatırladan zirzəmilər olduğu kimi qalır.
Şikayətçilər iddia edirlər ki, həmin sakinlər aidiyyəti qurumlara rüşvət verərək toyuqlarını binanın həyətində və zirzəmidə saxlayırlar.
Sakinlər aidiyyəti qurumlardan vəzifə öhdəliklərini yerinə yetirməyi, hinə çevrilən zirzəmiləri görməzlikdən gəlməmələrini xahiş edirlər.
