Müğənni Roza Zərgərlinin sosial şəbəkədə yayımladığı son video izləyicilər arasında ciddi ajiotaj yaradıb.
Musavat.cоm xəbər verir ki, videoda sənətçinin yeriməkdə çətinlik çəkdiyi aydın görünür.
Kadrlarda müğənni addım atmağa çalışsa da, bu, ona ağrılı və müşkül başa gəlir. Eyni zamanda o, yaxın günlərdə Rusiyanın Vladiqafqaz şəhərində konsert proqramı ilə çıxış edəcəyini elan edib.
Qeyd edək ki, Roza Zərgərli ötən il dördüncü mərhələli koksartroz – yəni bud-çanaq oynağının ciddi zədələnməsi diaqnozu aldığını, bu səbəbdən də yeriməkdə əziyyətlər çəkdiyini açıqlamışdı.
Xatırladaq ki, Roza Zərgərli 1979-cu il martın 27-də Rusiya Federasiyasında hərbçi ailəsində dünyaya göz açıb. Tanınmış müğənni əslən Şəmkir rayonundandır.
