Samux rayonunun Çobanabdallı kəndində bir qrup şəxs evlərin birindən 7 min manat dəyərində qızıl-zinət əşyaları və 3 min 522 manat nağd pulu quldurluq yolu ilə talayıb.
Gencexeber.az-a Daxili İşlər Nazirliyinin (DİN) Mətbuat Xidmətinin Gəncə regional qrupundan verilən məlumata əsasən, Samux Rayon Polis Şöbəsinə bu barədə məlumat daxil olub.
Polis əməkdaşlarının keçirdikləri tədbirlər nəticəsində cinayəti törətməkdə şübhəli bilinən, 33 yaşlı İsmət Hüseynov, 23 yaşlı Ülvi Hüseynov, 24 yaşlı Rafiq Rzayev, 36 yaşlı Bəhruz Yusifov və 28 yaşlı Toğrul Salahlı maddi sübutlarla birlikdə saxlanılıblar.
Faktla bağlı cinayət işi başlanılıb. İstintaq hərəkətləri aparılır.
