Goranboy rayonunda ölümlə nəticələnən ağır yol-nəqliyyat hadisəsi baş verib.
Gencexeber.az-ın məlumatına görə, qəza rayonun Əhmədabad kəndi ərazisində qeydə alınıb. "VAZ-2107" və "VAZ-2106" markalı avtomobillərin toqquşması nəticəsində 1940-cı il təvəllüdlü Şahbaz Qarayev və 1969-cu il təvəllüdlü Rza Qasımov hadisə yerində həyatlarını itiriblər.
Qəza zamanı 1991-ci il təvəllüdlü Çinarə Əsgərova, 1994-cü il təvəllüdlü Gülsanə Tağıyeva, 1952-ci il təvəllüdlü Səməndər Cəfərov və daha bir nəfər müxtəlif dərəcəli bədən xəsarətləri alıb.
Yaralılar Gəncə şəhərində yerləşən tibb ocaqlarından birinə və Goranboy Rayon Mərkəzi Xəstəxanasına çatdırılaraq həkim nəzarətinə götürülüblər.
Faktla bağlı araşdırma aparılır.
